Arm Holdings орлого, үр дүнгийн тайлангаа тавив
Симбол: ARM
Британийн чипийн загвар зохион бүтээгч Arm Holdings компани Wall Street-ийн таамагт нийцсэн орлогын таамаглал гаргасан ч хувьцааны ханш нь 4.5%-иар буурсан байна. Зарим шинжээчид үүнийг хиймэл оюун ухааны салбарт илүү их өсөлт үзүүлнэ гэсэн хүлээлт талаар болсонтой холбоотой гэж үзжээ.
Arm компанийн хувьцаа анх арилжаалагдсан цагаас хойш хиймэл оюун ухааны салбарын өсөлтөөс ашиг хүртэнэ гэсэн итгэлээр үнэ нь хоёр дахин нэмэгдэж, зах зээлийн үнэлгээ нь 144 тэрбум ам.доллар болжээ. Гэсэн хэдий ч Arm-ийн таамаглал AMD, Nvidia зэрэг AI чипийн чиглэлээр шууд ажилладаг компаниудын хүлээлтэд нийцээгүй юм.
“Arm AI чипийн чиг хандлагад ихээхэн холбоотой ажиллаж ирсэн ч энэ нь хүмүүсийн хүлээлтэд нийцэхэд хэцүү болгож байна," гэж TECHnalysis Research компанийн захирал Боб О’Доннел хэлсэн байна. "Тэд эцсийн чип үйлдвэрлэлээс хол алхамтай."
Apple-ийн дэмжлэгтэй орлогын өсөлт
Энэ улиралд Arm компани орлого, ашгийн хүлээлтээс давсан үр дүн гаргасан бөгөөд Apple компани шинэ v9 технологийг ашигласнаар компанид илүү ашиг авчирсан байна. Гэсэн хэдий ч одоогийн улиралд компанийн орлого 920 саяас 970 сая ам.долларын хооронд байх бөгөөд шинжээчдийн дундаж таамаг болох 944.3 сая ам.долларт дөхөж байна.
Arm компанийн гуравдугаар улирлын ашгийн таамаг 32-36 цент байх бөгөөд шинжээчид 34 цент гэж таамагласан. Хөрөнгө оруулагчид AI салбарын өсөлт Arm компанийн үр дүнд тусгалаа олохыг хүсэж байгаа бөгөөд Arm-ийн гүйцэтгэх захирал Рене Хаас, "Бидний стратеги батлагдаж байгаа энэ улиралд итгэлтэй байна" гэжээ.
Arm нь чипийн загвараа лицензээр өгч, үүнээсээ орлого олдог бөгөөд v9 архитектур нь илүү их орлого олох боломжийг бүрдүүлж байгаа юм. Энэ технологи нь ухаалаг гар утсанд өргөн ашиглагддаг бөгөөд Apple-ийн iPhone 16 цуврал v9 технологийг агуулсан.
Чипүүдийн үнийн өсөлт Arm-ийн урт хугацааны төлөвлөгөөнд чухал үүрэг гүйцэтгэнэ
Энэ технологийг ашиглаж буй чипүүд жилд 200 тэрбум ам.долларын орлого оруулдаг гэж TD Cowen судалгаагаар тодорхойлжээ. Arm AI салбараас ашиг хүртэх болно гэсэн хөрөнгө оруулагчдын хүлээлтээс ашиг хүртэж байгаа ба хувьцааны ханш нь Nvidia-ийн 33 дахин өсөлтөөс хоёр дахин илүү үнэлэгдэж байгаа.
Түүнчлэн Qualcomm-ийн хувьцаа компанийн хүлээлтээс давсан орлогын таамаглал гарснаар 11%-иар нэмэгдсэн байна. Qualcomm нь Arm-ийн технологийг чипдээ ашигладаг бөгөөд хоёр компани лицензийн маргаантай байгаа ба шүүх хурлын тов арванхоёрдугаар сард гарна.