Nvidia (NVDA) компани Microsoft (MSFT)-ын зах зээлийн үнэлгээг давж, Apple (AAPL)-ийн дараа дэлхийн хоёр дахь том компани боллоо.

Даваа гарагт Nvidia-ийн хувьцааны үнэ 2%-иар өссөж 127.71 ам.долларт хаагдсаны үр дүнд компанийн зах зээлийн үнэлгээ 3.13 их наяд ам.долларт хүрч, Microsoft-ын 3.04 их наяд ам.долларын үнэлгээг давлаа. Энэ өсөлт нь Nvidia-ийн хагас дамжуулагчийн нийлүүлэгч гол түнш болох Super Micro Computer (SMCI) компаниас ирсэн мэдээнд үндэслэсэн бөгөөд тус компани хиймэл оюун ухааны (AI) эрэлт өссөнтэй холбоотойгоор GPU нийлүүлэлт нь эрс нэмэгдсэн гэж мэдээлсэн юм. Үүнээс шалтгаалж, Nvidia болон Super Micro Computer-ийн хувьцааны үнэ өссөн байна.

Сүүлийн саруудад Nvidia, Microsoft, Apple компаниуд зах зээлийн үнэлгээгээрээ хоорондоо өрсөлдөж байсан. 6-р сард Nvidia түр зуур Microsoft-оос давж байсан ч удалгүй Microsoft тэргүүллээ эргүүлэн авсан ч Apple компани удалгүй тэргүүлж эхэлсэн.

Аналистуудын үзэж байгаагаар, хиймэл оюун ухааны эрэлт нь Nvidia-ийн хувьцааг цаашид ч өсгөх боломжтой

Энэ оны эхнээс хойш Nvidia-ийн хувьцааны үнэ хоёр дахин нэмэгдсэн бөгөөд энэ нь тэдний хиймэл оюун ухааны чипний эрэлт нэмэгдсэнтэй холбоотой. Аналистуудын үзэж байгаагаар, хиймэл оюун ухааны зарцуулалтын өсөлт болон улирлын таатай нөхцөл байдлаас шалтгаалан Nvidia-ийн хувьцааны үнэ цаашид өсөх боломжтой гэж үзэж байна.

Хагас дамжуулагчийн компаниудын хувьд гуравдугаар улирлаас дөрөвдүгээр улиралд гүйцэтгэл нь сайжирдаг бөгөөд Nvidia зах зээлд тэргүүлсэн хэвээр байх болно гэж Melius Research-ийн аналистууд онцолжээ. Тэд “энэ нөхцөл байдал нэлээд сайн байгаа” гэж нэмж хэлсэн байна.

Melius компани Nvidia-ийн хувьцааны үнийг 165 ам.долларт хүрнэ гэж таамаглаж байгаа нь Даваа гарагийн хаалтын үнийн (127.72 ам.доллар) 29%-ийн өсөлт гэсэн үг юм. Харин Visible Alpha-ийн мэдээллээс харахад дундаж үнэлгээ 152.52 ам.доллар байна.