АНУ-д автомашины үйлдвэрлэлийн салбар нь борлуулалтын шинэ сорилтуудтай тулгарч, Stellantis (STLA) зэрэг компаниуд ирэх жилийн борлуулалтын орлогын төсөөллөө бууруулж байна. CarGurus компанийн Аж үйлдвэрийн ойлголт, шинжилгээ хариуцсан захирал Кевин Робертс салбарын одоогийн байдлын талаар өөрийн таамгийг хуваалцлаа.

Робертс дэлхийн автомашины зах зээлийн эсрэг тэсрэг хандлагыг онцолж байна. Хятад улсад дотоодын үйлдвэрлэгчдээс гаргасан хямд үнэтэй автомашинуудын хэрэглээ илүү их өсөж байгаа нь дэлхийн томоохон автомашин үйлдвэрлэгчдэд нөлөөлж байна. Үүний зэрэгцээ АНУ-ын зах зээл дээр автомашин үйлдвэрлэгчдэд илүүдэл нийлүүлэлтийн асуудалтай тулгарч, бүтээгдэхүүнүүдийн эрэлт буурч байна. Дэлхийн хамгийн том хоёр автомашины зах зээл болох АНУ болон Хятад улсуудын ийнхүү эсрэг тэсрэг нөхцөл байдал нь салбарт шинэ төрлийн эрсдэлүүдийг гаргаж байна гэжээ.

"Хямд үнэ" гол асуудал хэвээр байгаа бөгөөд энэ нь ялангуяа АНУ-д ажиглагдаж байна. Саяхны Холбооны Нөөцийн Сан бодлогын хүүгээ бууруулсан нь тодорхой хэмжээнд автомашин үйлдвэрлэгчдийн үйл ажиллагааг хөнгөвчлөх бодлого болох ч Робертс тэр дороо өөрчлөлт хүлээх хэрэггүй гэж сануулж байна. Тэрээр 'Холбооны Нөөцийн Сан бодлогын хүүгээ 0.5%-иар бууруулсан нь таатай хэрэг боловч энэ нь автомашины үнийн хувьд тэр даруйд том нөлөө үзүүлэхгүй. Бидний харж буй шинэ болон хуучин автомашины үнийн өсөлтийг тэнцвэржүүлэхэд бодит нөлөө үзүүлэхийн тулд ирэх сарууд болон жилүүдэд Холбооны нөөцийн сан илүү тогтвортойгоор бодлогын хүүг бууруулах шаардлагатай' гэж тайлбарлав.